بلوچستان کی سرد ہواوں نے کراچی کا رخ کرلیا، سردی کی شدت میں اضافہ

بلوچستان کی سرد ہواؤں نے کراچی کا رخ کرلیا. جس کے بعد سردی کی شدت میں اضافہ ہورہا ہے۔ محکمہ موسمیات کے مطابق کراچی میں سمندری ہوائیں مکمل بند ہیں. آج صبح کم سے کم پارہ 10.1 ڈگری سینٹی گریڈ ریکارڈ کیا گیا۔ شہر میں دن کے اوقات میں موسم خشک اور رات میں سرد رہے گا۔

دوسری جانب بلوچستان کے بیشتر اضلاع میں آج موسم سرد اور جزوی ابر آلود رہے گا۔ محکمہ موسمیات کے مطابق قلات میں درجہ حرارت منفی 8 ڈگری سینٹی گریڈ ریکارڈ کیا گیا۔ کوئٹہ اورزیارت میں درجہ حرارت منفی5 ڈگری سینٹی گریڈ ریکارڈ ہوا۔ نوکنڈی میں درجہ حرارت 4 جبکہ جیونی میں 9 ڈگری سینٹی گریڈ، گوادر میں درجہ حرارت 11، سبی میں 5 ڈگری اور تربت میں درجہ حرارت 12 ڈگری سینٹی گریڈ ریکارڈ کیا گیا۔